MOIFO WA BOELETSI THEKNOLOJING TSA PUO YA BATHO
Ka kgwedi ya Loetse selemong sa 2000 Komiti ya Tataiso ya Tshebetso e ile ya phetha mosebetsi wa yona mme ka kgwedi ya Mphalane ho ile ha nehelanwa ka pehelo ya ditaba tsa yona ho Lekgotla la PANSALB (Lekgotla la Dipuo tsa Afrika Borwa) . Pehelo e ile ya amohelwa mme PANSALB le Tshebeletso ya Puo ya Setjhaba (TPS) di ile tsa etsa tshisinyo e kopanetsweng e lebang ho Letona la Bokgabo, Botjhaba, Saense le Theknoloji ho tswela pele ka tshebetso ena. Letona Ben Ngubane karabelong ya hae o ile a thonya Moifo wa Boeletsi wa Theknoloji tsa Puo ya Batho (TPB) mme a o fa mosebetsi wa hore ba fumana mathata a phethahatso le ditshenyehelo tsa ho ntshetsa pele Theknoloji tsa Puo ya Batho (TPB) Afrika Borwa.
Molaodi ya akaretsang wa Lefapha la Bonono, Setho, Saense le Theknoloji (DACST), Ngaka Rob Adam o utlwisisa sena tjena-
teko e bontshang phetoho ya ho theha sesiu bokgoni ba Theknoloji tsa Puo ya Batho (TPB) le ho phethisa theknoloji ka morero wa ho kgothaletsa tshebediso ya dipuo tse ngata ekasitana le ho thakgola ka pejana ntshetsopele ya dipuo tsa kwano tse behilweng ka mosing.?
Tlhomamiso ya Moifo, mohla la 7 Pudungwane 2001, Pretoria
DITHO TSA MOIFO
BONGODI
PONELOPELE
Ponelopele e kgolo ya Moifo wa Boeletsi ke ho etsa motheo o tla ikgona wa ntshetsopele ya Theknoloji tsa Puo ya Batho Afrika Borwa e tla dumella tswelopele ya puo e tshwanetseng le tshebediso ya theknoloji ya puo dipuong tsohle tsa mmuso molemong wa ?
i ho kgotsofatsa ditlhoko tsa baahi maemong a fapaneng a ntshetsopele ya Setjhaba se nang le Tsebo e tla iponahatsa dikarolong tse tshwanang le e-governance, e-learning, e-commerce, jwalo jwalo le ii ho fedisa sekgeo sa dipalo tsa dijithale le ho boloka naha e le sehlohlolong sa ditaba tsa tswelopele e akaretsang lefatshe lekaleng la Theknoloji tsa Tsebo le Dikgokahano.
Moifo o lakatsa ho etsa motheo o ka bang le seabo sa bohlokwa tabeng ya ho fumana dintlha tsa bohlokwa tse lokelang hore di potlakelwe le ho etsa hore ho be le tshebetso e bang teng ho fihlella dintlha tsena tsa bohlokwa. Kgopolo ke hore motheo ona o tla kopanya mekutu e etswang ke basebetsi ba mefuta e meraro ya bohlokwa:
i Mmuso wa Naha hobane e le baboloki ba dipuo tsa mmuso, ha mmoho le mebuso ya diprovense ekasitana le mebuso ya selehae le mekgatlo e tshehetswang ke mmuso jwalo ka basebedisi ba qetelo ba dihlahiswa tse motjhineng tsa dipuo tse ngata ba habileng hore ba fuwe tshebeletso e ntlafetseng.
Hona e tla be e le ntlafatso ya tshebetso ya tsela ya e-Gateway Initiative ya mmuso wa naha oo qetellong o tla be o sebeletsa baahi ka mokgwa wa elektroniki puong ya kgetho ya bona;
ii Mokgatlo wa poraefete ka tsela e batsi jwalo ka ba ntshetsang pele le basebedisi ba qetelo ba puo le dihlahiswa tsa elektroniki tse thehilweng hodima puo;
iii Barutehi le mekgatlo ya boemedi e bokellang letlole bo ikarabellang diphuputsong, ntshetsopeleng le ho theha mehlodi ya bokgoni ba tshebetso lekaleng la Theknoloji tsa Puo ya Batho.
Moifo o na le kgopolo ya hore ho qetellwe ho ntsheditswe pele indastri ya Theknoloji tsa Puo ya Batho Afrika Borwa e tshwanang le Yuropo e sebedisang dipuo tse ngata e teng hona jwale, empa e hlophisitswe le ho etswa hore e nyalane le ditlhoko tsa selehae. Moifo o lokela ho nehelana ka pehelo ka Phato selemong sa 2002.
MOKGWA WA TSHEBETSO
Moifo o dula o kopana kgafetsa mme o tla ikopanya le bathahaselli ba seng ba hlwauwe ha nako e ntse e tsamaya. Motho ofe kapa ofe ya nang le thahasello mona a ka ikopanya le Mohokahanyi neng kapa neng hore a fumanne lesedi le leng le fetang mona.
DITABA
Ho rerilwe hore ho tshwarwe wekeshopo e ikgethang ha Motsheanong e hlola matsatsi a 22 selemong sa 2002 Pretoria. Dula o fadimehile hore o tle o fumane dintlha tsa pitso ena.
DILINKI TSA INTHANETE
Di-websaete tse amahangwang le Theknoloji tsa Puo ya Batho
Afrika Borwa
Dinaheng tsa Matjhaba
Pehelo ya ditaba
Ho ile ha nehelwanwa ka pehelo a ditaba Lekgotleng la PANSALB mohla la 15 Hlakola selemong sa 2002. Pehelo ena ya ditaba e nehelana ka mohlala wa seabo se lohothwang sa Diyuniti tsa Setjhaba tsa Leksikhokrafi bakeng sa ntshetsopele ya Theknoloji tsa Puo ya Batho ho la Afrika Borwa.
Dinyehelo le eo o ka ikopanyang le yena
Ho tla amohelwa dinyehelo tse tswang ho motho ofe kapa ofe ya nang le thahasello ditabeng tsena.
